Şənbə , İyun 24 2017
Əsas səhifə / BAŞ VERƏCƏK BÖYÜK HADİSƏLƏR / İraqın yenidən qurulması

İraqın yenidən qurulması

…İraqa hücum edilmədikcə Qiyamət qopmaz. İraqdakı günahsız insanlar Şama gedərək orada sığınacaq axtararlar. Şam yenidən qurular, İraq da yenidən qurular. (Kenzul Ummal, Kitab-ul kıyame kısm-ul efal, 5-ci cild, səh. 254)

Hədisdə İraqın yenidən inşa ediləcəyinə diqqət çəkilir. Əvvəlcə İran-İraq müharibəsi, daha sonra Körfəz müharibəsi və son olaraq 2003-cü ildə İraq müharibəsindən sonra İraqda bir çox şəhər yerlə-yeksan olmuşdur. Bu müharibədən sonra edilən qarətlərin təsiri ilə böyük xarabalığa çevrilən İraqın yenidən inşa edilməsi labüd olmuşdur. Bu hadisələr barədə qəzetlerdə də geniş bəhs olunmuşdur.

Şəhərlərin yox olması

“Böyük şəhərlər dünən sanki yoxmuş kimi məhv olar”. (Kitabül Burhan Fi Alametil Mehdiyyil Ahir Zaman, səh. 38)

“Gözəl şəhərlər viran ediləndə… Qiyamət

lə sənin aranda bu iki barmaq arası qədər məsafə qalmış deməkdir.” (Kıyamet Alametleri, səh. 143)

“Yer üzü darmadağın olmağa başlayacaq. Misir də darmadağın ediləcək, lakin Bəsrə viran edilənə qədər Misir viran olmayacaq. İraq darmadağın ediləcəyi üçün Bəsrə viran qalacaq. Nil quruyacağı üçün də Misir viran olacaq.” (Ölüm Kıyamet ve Diriliş, səh. 530)

Hədislərdə bildirilən böyük şəhərlərin, gözəl diyarların məhv olması və viran qalması müharibələr və müxtəlif təbii fəlakətlər nəticəsində baş verən dağıntıları ağla gətirir. Bunlarla yanaşı, yaxın keçmişdə istehsal olunan nüvə silahları, təyyarələr, bombalar, raketlər və bənzər silahların müharibələrdə istifadə edilməsi də böyük təxribata səbəb olmuşdur. Bu təxribat gücü yüksək olan silahlar tarixdəki bənzərləri ilə müqayisə edilməyəcək dərəcədə dağıntılara səbəb olmuşdur. Əlbəttə, hədəf mövqeyindəki “böyük şəhərlər” də bu dağıntılardan ən çox təsirlənən yerlər olmuşdur.

İkinci dünya müharibəsinin nəticələri buna nümunə kimi göstərilə bilər. Dünya tarixinin ən böyük müharibəsində atom bombasından istifadə edilməsi nəticəsində Xerosima və Naqasaki şəhərləri tamamilə yerlə-yeksan olmuşdur. Avropanın paytaxt və mühüm şəhərləri də ağır bombardmanlar nəticəsində darmadağın olmuşdur. Britaniya Ensiklopediyasında ikinci dünya müharibəsinin Avropa şəhərlərinə vurduğu zərər belə bildirilir:

Yaranan təxribat Avropanın böyük hissəsini Ayın səthinə çevirmişdi: Şəhərlər bombardmanlar nəticəsində yerlə-yeksan oldu, kurort məkanları yanıb, qapqara oldu, bombalar yolları deşik-deşik etdi, dəmiryolları istifadə olunmayacaq vəziyyətə gəldi, körpülər uçdu, limanlar məhv olmuş gəmilərlə doldu. Müharibədən sonra Almaniyanın amerikan hərbi qubernatoru general Lyusius D. Kleyin dediyi kimi; “Berlin sanki ölülər şəhəri idi”.

Bir sözlə, ikinci dünya müharibəsinin səbəb olduğu böyük təxribat hədisin işarə etdiyi hadisələrlə tam uyğunlaşır.

Şam və Misir məliklərinin öldürülməsi

Ondan əvvəl Şam və Misir məlikləri (hökmdar, ölkə rəhbəri) öldürüləcək… (El-Kavlu’l Muhtasar Fi Alamet-il Mehdiyy-il Muntazar, səh. 49)

Bu hədisdə hz. Mehdinin (əs) gəlişindən əvvəl Şam və Misir rəhbərlərinin öldürüləcəklərinə diqqət çəkilir.

Misirin yaxın tarixinə baxdığımız zaman hədisdə bildirildiyi kimi, bir “məlikin” öldürüldüyünü görürük: 1970-ci ildə Misirin prezidenti olan və 11 il hakimiyyətdə qalan Ənvər Sədat.

Ənvər Sədat 1981-ci ildə keçirilən rəsmi parad zamanı müxalifləri tərəfindən təşkil edilən sui-qəsd nəticəsində həyatını itirmişdir. Misir tarixində öldürülən rəhbərlərdən digərləri isə 1910-cu ildə sui-qəsdə məruz qalmış baş nazir Butros Qali, 1945-ci ildə öldürülən Misirin baş naziri Əhməd Maher Paşa və 1948-ci ildə yenə bir sui-qəsd nəticəsində öldürülən Misirin baş naziri Mahmud Nukraşi Paşadır.

Şam sözü təkcə Suriyadakı Şam şəhəri üçün işlədilmir. Şam ərəb dilində “sol” deməkdir və qədimdən bəri Hicaz bölgəsinin (Məkkə və Mədinə şəhərlərinin olduğu bölgə) sol tərəfindəki ölkələri ifadə edir. Şam rəhbərlərindən də sui-qəsdə məruz qalan çox sayda insan olmuşdur. Onlardan bir neçə nümunə göstərək:

1920-ci ildə öldürülən Suriyanın keçmiş prezidenti Salah əl-Din Bitar,
1921-ci ildə öldürülən Suriyanın baş naziri Drobi Paşa,
1949-cu ildə sui-qəsdə məruz qalan Suriyanın baş naziri Muhsin əl-Barazi,
1951-ci ildə öldürülən İordaniya kralı Abdullah,
1982-ci ildə bombalı sui-qəsdə məruz qalan Livanda falangist lider Bəşir Cmayel.
Bütün bu hadisələr Peyğəmbərimizin (səv) 1400 il əvvəl bildirdiyi bu hədisin doğru olduğunu təsdiq edir.

HƏMÇİNİN BAX

PKK terror təşkilatı və Öcalan

(Nuaym ibn Həmmadın “Fitən” adlı əsərindən, 971): Kabdan belə rəvayət edilir: “Şamdan bir az aralıda, …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir