Mehdiyyət
Lat və Uzzaya yenidən Allahdan başqa ilah olaraq ibadət edilmədikcə Qiyamət qopmaz… (Kiyamet alametleri, səh. 281)
Ümmətimdən bir çox qəbilələr müşriklərə qoşulacaqlar, Qiyamətdən əvvəl hamısı küfr əhlinin içinə daxil olacaq… (Kiyamet alametleri, səh. 287)
Ümmətimdən bir qisim insan bütlərə sitayiş edənə qədər Qiyamət qopmaz. (Kiyamet alametleri, səh. 241)
Allahdan başqasını ilah olaraq qəbul etmək, şübhəsiz ki, çox böyük azğınlıq və günahdır. Bəzi insanlar elə zənn edirlər ki, bütlərə sitayiş etmək keçmişdəki insanların etdikləri kimi, taxtadan və ya daşdan yonulmuş heykəllərə sitayiş etməkdir. Halbuki bu, yanlış düşüncədir. Şirk qoşmaq yalnız insanların düzəltdikləri bütlərə sitayiş etmək demək deyil. Allahın Quranda bildirdiyi kimi, şirk qoşmadan iman gətirmək “səmimi olaraq yalnız Allahın rizasını və rəhmətini qazanmağı ümid edərək iman gətirmək” deməkdir. Axırzamanda isə şirk qoşmadan səmimi iman gətirən insanların sayı azalacaq, özünü göstərmək üçün ibadət edən, Allahın haqq dinindən uzaqlaşaraq batil inanclı insanların sayı isə artacaq.
